San Agustinen kapera
| San Agustinen kapera | |
|---|---|
| Orreagako kolegiata | |
| |
| Kokapena | |
| Herrialdea |  Euskal Herria |
| Probintzia |  Nafarroa Garaia |
| Udalerria | Orreaga |
| Koordenatuak | 43°01′N 1°19′W / 43.01°N 1.32°W |
 | |
| Historia eta erabilera | |
| Irekiera | XIV. mendea |
| Ondarea | |
San Agustinen kapera Orreagako multzo monumentalean kokatua dagoen kapera da, konplexuko klaustroan kokatuta. Kaperak Andre Mariaren Errege Kolegio-elizakoa da eta Antso Azkarraren hilobia eta Nafarroako armarriaren kateak eskaini ditu.
Kapera
[aldatu | aldatu iturburu kodea]Klaustroko ekialdeko hegalerantz irekita dago, arkupe hirukoitzean. Oin karratua du eta ganga tertzeletedunarekin estalita dago. Tertzeleteek nerbiodun loturak dituzte eta giltzarriak apainduta daude. Lau mentsula handik eusten diote gangari eta aingeruak irudikatzen dituzte. Kaperak toki ireki txiki bat du ekialdeko horman. Kanpoaldea harlanduzko bloke kubikoa da. Gotorleku itxura ere badu eta hortik datorkio san Agustinen dorrea izena. Piramide itxurako estalkiraino iristen diren izkinei itsatsitako kontrahorma batzuek multzoa indartzen dute.[1]
Antso Azkarraren mausoleoa
[aldatu | aldatu iturburu kodea]Kaperaren erdialdean 1912an Antso VII.aren hilobia kokatu zuten, Navas de Tolosako guduaren zazpigarren mendeurrena ospatzeko. Jatorrizko hilobitik erregearen irudia duen harlauza besterik ez zen gelditzen. Ondoan Miramamolinen kateen zati bat dago.[2] 1912. urtean jarri zuten. Urte horretan, kapera konpondu egin zuten Navas de Tolosako batailaren urteurrena ospatzeko. Erregea Tuteran hil zen 1234. urtean eta hileta multzotik erregearen irudi etzana baino ez da geratzen. Inguruan landareen apaingarriak dituen zerrenda fin bat du, XIII. mendearen erdiaren ingurukoa. Izan ere, Tibalt I.ak garai hartan eskatu zuen osabaren hilobia egiteko. Kapera txikiko nitxoetako batean Antso VII.a eta haren emazte Klementziaren estatua otoitz egiten ageri dira.[3][4]
Irudiak
[aldatu | aldatu iturburu kodea]-
Kaperako sarrera -
Nafarroako kateak -
Antso Azkarra eta bere emaztea -
Antso Azkarraren mausoleoa -
Mausoleoa eta beiratea -
Leihatea -
Navas de Tolosako guduko beiratea
Erreferentziak
[aldatu | aldatu iturburu kodea]- «ORREAGA / RONCESVALLES - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2021-11-12).
- ↑ «Roncesvalles» orreaga-roncesvalles.es (Noiz kontsultatua: 2020-08-09).
- ↑ «Orreaga, igarobide bat baino askoz gehiago.-Erreportaje didaktikoa - hiru» www.hiru.eus (Noiz kontsultatua: 2020-08-09).
- ↑ «Roncesvalles» orreaga-roncesvalles.es (Noiz kontsultatua: 2020-08-09).
- ↑ «Antso VII “azkarra” eta Orreaga - Euskonews» www.euskonews.eus (Noiz kontsultatua: 2020-08-09).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q5748335
Multimedia: Capilla de San Agustín (Roncesvalles) / Q5748335
